www.mjellma.org, www.mjellma.net

Çifteve në mesnatë...

Dita e të dashuruarve - shën valentini

NGA: Iris AGOVI

Kartolinat, për ditën e shën Valentinit, zbukuroheshin me germa të florinjta dhe dantella. Në to shkruhej poezi dashurie, dhe më pastaj dërgoheshin. Ndërsa disa tjera kartolina zbukuroheshin me zemra dhe brenda i futej qeskë parfumi..

FESTA E TË DASHRUARVE NËPËR SHEKUJ

Shën Valentini ka një të kaluar prej 2000 vjetësh që nëpër shekujsh është festuar në tradita të ndryshme. Një nga traditat e praktikuara shekuj më parë, ishte për të gjetur një të dashur në ditën e të dashuruarve, për çka organizoheshin shorte. Në atë periudhë, ishin njerëz të veçantë ata që merreshin me këtë llojë riti. Ndërmjetësi merrej vesh me vajzën e cila duhet të shkruante emrin e personit që pëlqente në një copë letër dhe t'ja jepte ndërmjetësit që të merrte pjesë në short, dhe të fitonte njeriun e preferuar. Në shekullin e 16-të, pikërisht më 14 shkurt, si shenjë dashurie jepeshin dhurata të këtilla si; dorëza, çorape dhe shami. Në shekullin e 17-të, Puritenët amerikanë, që ishin një shoqëri e krishterë, me arsyetimin se është dita e të dashuruarve është një besim i kotë, u munduan ta ndalonin. Edhe këtë here dashuria triumfoi, dhe ata nuk ia dolën ta ndalojnë këtë festë. Dhuratat e asaj kohe ishin veshjet dhe një shishe verë. Ne atë periudhë, 14 Shkurti festohej në Francë, Itali, Gjermani etj.
Në një fshat të vogël të Francës, pleqtë e fshatit ndaheshin në dy grupe dhe shëtisnin shtëpi për shtëpi për të zgjedhur të rinjtë të cilët dilnin nëpër dritare dhe thonin emrat e njëri-tjetrit, e më pastaj vajza i dërgonte një veshje të re si shenjë ftese mashkullit për mbrëmjen e njohjes që organizohej në qendër të qytetit. Nëse ftesa i pranohej nga djali, si përgjigje vinte një shishe vere. Atë natë në mbremjen e Shën Valentinit, nëse vajza apo djali nuk e pelqenin njëri-tjetrin, po atë natë ndizej një zjarr i madh dhe digjeshin të gjitha veshjet që ishin dërguar për ftesë. Në vitin 1776 kjo tradite u ndalua.

Në shekullin e 18-të, shfaqen kartolinat e para për ditën e dashurisë. Ishte zakon që ato kartolina të punoheshin vet nga personi që do i dërgonte. Kartolinat zbukuroheshin me germa të florinjta dhe dantella. Në to shkruhej poezi dashurie, dhe më pastaj dërgoheshin. Ndërsa disa kartolina zbukuroheshin me zemra dhe brenda i futej qeskë parfumi. Këto kartolina sot ruhen si antikitete të vlefshme nëpër muze. Mbas vitit 1850 u shtypën kartolinat e para për ditën e shën Valentinin dhe u nxorën në treg për t'u shitur. Që prej asaj kohe, shën Valentini u përdor edhe për interese fitimi në biznes.

Test i vogël i dashurisë për ditën e shën Valentinit

Nëse dëshironi të vërtetoni se ai ju do vërtet me gjithë zemër, mjafton t'i vështroni sjelljet e tija të përditshme dhe do ta kuptoni se sa është e sinqertë dashuria e tij në përqindje. Bëjani disa pyetje vetes e disa partnerit tuaj dhe për çdo përgjigje pozitive shpërbleni atë me nga një puthje, madje edhe nëse ai nuk e dine pse:

10. Pyeteni partnerin se çka keni patur të veshur në ditën e takimit tuaj të parë?
9. Sa here që jeni të suksesshëm në punë, a krenohet me ju apo xhelozohet në ju?
8. A ju dhuron buqeta me lule kohë pas kohe apo vetëm gjatë ditëve të veçanta?
7. Kur të fjaloseni nuk mban inat më shumë se 12 orë?
6. I dukeni tërhjekëse dhe e bukur edhe kur zgjoheni në mëngjesë?
5. Ka mirëkuptim dhe nuk ju vendos para aktit të kryer kur gaboni?
4. Të dielave ua përgatit ushqimin dhe ua sjellë në shtratë.
3.Nuk e anulon darkën me juve për shkak se i ka dale ndonjë punë në ndërkohë.
2. Ju thotë së paku një here në ditë "Të dua".
1. Ju bënë që shpesh të ndiheni se pa të jeta juaj nuk ka fare kuptim.

Rezultati:

Partneri i juaj ka fituar	Dashuria e juaj në %
1 puthje	10 %
2 puthje	20 %
3 puthje	30 %
4 puthje	40 %
5 puthje	50 %

Partneri i juaj ka fituar	Dashuria e juaj në %
6 puthje	60 %
7 puthje	70 %
8 puthje	80 %
9 puthje	90 %
10 puthje	100 %

Lexoni edhe temën: Dita e shën Valentinit

©		1999 - 2002 • PRIZREN - KOSOVË - WebDesign: Arsim GJINOCI •

Mjellma është medium elektronik që mirëmbahet nga redaksia e saj. Për huazimin e materialeve lexoni këtu.