Neon tetra në natyrë i lirë jeton në ujërat e Kolumbisë, në Perunë lindore, Brazilin perëndimor. Është peshk i popullarizuar në mesin e akuaristëve për shkak të ngjyrave ndriçuese të ndezura që shkëlqejnë në errësirë. Peshku karakterizohet me një shirit të kaltër horizontal përgjatë trupit dhe shirit të kuq që fillon diku në mes të trupit dhe përfundon në zgjatimin kaudal të bishtit. Neon tetra së pari u importua nga Amerika Jugore dhe u përshkrua nga ihtiologu Dr. George S. Myers në vitin 1936 dhe u emërtua sipas Dr. William T. Innes. Neon tetrat janë kombinim i mirë në akuariume me peshq Duiskuse, me bimë të gjalla.

Kushtet

Madhësia e trupit (min-max): përafërsisht 3 cm
pH e ujit: 5 7
Fortësia e ujit (dGH): 12 - 18 °N
Temperaturat e preferuara: 20-26 °C


Ushqimi

Neon tetrat janë omnivore (dmth hanë gjithçka). Ato pranojnë gati çdo lloj ushqimi për peshq. Mund t'i ushqeni me ushqim fleta, ushqim të ngrirë, mikrokrimba etj. Edhe pse ju duket se janë përherë të uritur, ju këshillojmë t'i ushqeni një herë në ditë.

Gjinitë

Femrat e kanë barkun pak më të madh, dhe shiritat pak më të ylbertë për dallim nga mashkulli që e ka më të drejtë shiritin e kaltër.

Shumimi

Neon tetrat shumohen me vezë. Në akuarium është mirë të vendosen 7-8 neon tetra ku më shumë janë të gjinisë femërore. Secila femër bënë prej 60 - 130 vezë. Vezët nuk janë ngjitëse. Pasi ti lëshojnë vezët, brenda 24 orëve ato çelin, dhe ky është momenti kur dhe duhet t'i largoni tetrat e rritura ngase i hanë të vegjlit e posa çelur. Të vegjlit mund t'i ushqeni me ushqim të lëngshëm për peshq të vegjël, me të kuqen e vezës, me artemie, mëlçi të imtësuar viçit etj.

Jetëgjatësia

Neon tetrat zakonisht jetojnë 3-10 vjet, dhe krejt varet nga kujdesi për ta.

Vërejtje

Asnjëherë mos i mbani Neon tetrat në enë (balone) me ujë, ku uji nuk qarkullon përmes pompave dhe filtrave