Cory apo si njihet në gjuhën shqipe edhe si Mustaku, është zgjedhje shumë e mirë për akuariume. Zakonisht ndihen mirë në akuariume të përbashkët me peshq tjerë, kur janë disa Cory në grupe. Prejardhjen e kanë nga Amerika Jugore. Cory është peshk shumë paqësor, njihet edhe si peshk i turpshëm dhe shumë mirë përshtatet me guppy, skalarë, plati dhe shumë peshq tjerë të temperamentit të njëjtë. Ushqehen në fund të akuariumit dhe shpesh gjatë gjithë kohës janë shumë aktiv dhe punëtor. E pëlqejnë akuariumin e shtruar me rërë dhe të mbjell me bimë të gjallë uji.

Kushtet

Madhësia e trupit (min-max): 2 - 6 cm
pH e ujit: 6 - 8
Fortësia e ujit 5° to 18° dH
Temperaturat e preferuara: 22 - 26 °C

Ushqimi

Mustakun apo Coryn mund ta ushqejmë me ushqim fletëza për peshq, me larva të ngrira të mushkajave, ushqim tableta të kompresuara nga algat për peshq etj. Cory ushqehet në të shumtën edhe me algat që krijohen në akuarium.






Gjinitë

Meshkujt janë më të vegjël se femrat. Femrat janë më të rrumbullakët dhe më të mëdhenj se mashkulli i moshës së njëjtë.

Shumimi

Edhe pse njihet që është vështirë të shumohen në akuarium, në disa raste unë kam pasur sukses me shumimin e Coryve. Mirë është të ndahet nga grupi, 1 femër dhe 2 meshkuj. Femra e zgjedh mashkullin para se t'i depozitoj vezët (Në foto vezët e depoziturar). Ajo fillon ta pastroj murin e akuariumit ku do të jetë vendi i depozitimit të vezëve. Procesi i pastrimit bëhet nga femra duke shkuar poshtë - lartë. Qiftin aktiv e lëmë në akuarium derisa t'i ngjet gjitha vezët në mur të akuariumit. Uji duhet të jetë shumë i pastër. Zakonisht për t'i shumuar Coryt procesi zgjat 4-7 ditë. Në akuarium të veçantë ku është vendosur çifti, imitohet sezoni i thatësisë, duke larguar ujin për 4 ditë nga 20% të ujit, në temperaturë mbi 24 gradë celsius. Ditën e pestë mbushet akuariumi me ujë të ftohtë, dhe temperatura duhet të jetë 18 gradë celsius. Me këtë imitojmë të reshurat në natyrë. Me vallëzimin e Coyve femër dhe mashkull në formacionin e ashtuquajtur T-formacioni, brenda ditës, aktiviteti i depozitimit të vezëve fillon. Derisa kryhet depozitimi i gjitha vezëve çifti duhet të qëndroj në akuarium. Të vegjlit ushqehen me “artemia salina” karkaleca të vegjël, ushqim për peshq të vegjël.


Vërejtje

Cory nuk jeton në enë (balone) me ujë, ku uji nuk qarkullon përmes pompave dhe filtrave.