Si ju shkon dorësh t´i ndryshoni mostrat e mendimeve negative? Në vijim do të hasim në të ashtuquajturën “Teknika e pasqyrës”, me ndihmën e së cilës mund të tërheqni një bilanc të këndvështrimit tuaj jetësor. Orientoheni në “Feedback-un” e njerëzve që ju rrethojnë si dhe të ambientit tuaj, dhe zbuloni kështu se çfarë rrezatimi ju emetoni. Përmes “teknikës së pasqyrës” shpikni çelësat sekretë të strukturës suaj të brendshme.

Teknika e pasqyrës

Mendoni nganjëherë përse në disa lëmenj të jetës suaj jeni të pakënaqur, përse ju mungon hareja dhe vitaliteti. Pyetni, nëse do të ishte më mirë që jetën tuaj ta bekoni apo fajin t´ua hudhni të tjerëve. Merreni vetë përsipër përgjegjësinë për problemet dhe situatat tuaja jetësore. Filloni t´i zgjidhni ato dhe ta përmirësoni situatën tuaj duke ndryshuar mostrat tuaja jetësore.
Kësaj i shërbejnë ushtrimet në vazhdim:

USHTRIM:

Koncentrohuni në të menduarit tuaj sa më shpesh që të jetë e mundur. Veni re nëse ju ka kapluar ndonjë mendim negativ, dhe shndërrojeni atë pa humbur kohë në mendim pozitiv. Keni kujdes në mendimet e mëposhtme të cilave duhet t´ju ikni pa hamendje:
- Po të isha më konsekuent...
- Po të mund të isha më i kuptueshëm...
- Po isha më i pashëm...
- Po të mund të fitoja pakëz më tepër respekt...
- Po të kisha bashkëpunëtorë tjerë...

Zëvendësoni mendimet negative me formulime pozitive (afirmacione):
- Edhe në situatën time dyert e mundësive të shumta i kam të hapura.
- Unë do t´ia kthej vetes besimin të cilin e meritoj.
- Mua më mbetet gjithmonë e hapur mundësia që të kujdesem për atraktivitetin dhe pamjen time të jashtme.
- Unë jam mjaft kreativ dhe inteligjent që çështjen time ta kem në funksion të kënaqësisë sime.
- Unë jam fleksibil dhe i kam të gjitha parakushtet që të ndeshem dhe ballafaqohem me problemet e mia duke i zgjidhur në funksion të kënaqësisë sime.
- Që tash ia parashtroj qëllim vetes ta ndryshoj çdo gjë në të mirë.
- Që tash e marr përsipër përgjegjësinë mbi jetën time.

Qëndroni besnik përgjegjësisë vetjake dhe zhdukni fjalitë si:
- Është puna fajtore për dhimbjet e mia të lukthit...
- Është profesioni/familja ime fajtore për streset e mia...
- Bashkëpunëtorët e mij janë fajtorë për nervat e mija të dobëta...

Të gjitha këto programe të të menduarit çojnë në një çorrsokak. Lirojeni hidhërimin tuaj, bashkëbisedoni problemet tuaja, shfrenoni ndjenjat tuaja. Pastaj filloni t´i kërkoni mundësitë e zgjidhjeve. Keni besim në veten tuaj që çdo përjetim negativ ta zgjidhni në mënyrë pozitive.

Ursula Fassbender – „Të menduarit pozitiv“
Shqipëruar nga: Ibrahim Hajdari