Një ndër faktorë më të rëndësishëm në jetë që përcakton se a jetojmë në harmoni me rrethin apo jo prej çka rezulton se a do të jemi të shëndosh apo jo, është të ushqyerit. Si ushqehemi? A marrim mjaftë vitamine, mjaftë proteina, albumine, karbohidrate etj. Sipas mësimeve të makrobiotikës janë shtatë aspekte kryesore të ushqyerit për njeriun.

1. Aspekti mekanik i të ushqyerit
Ky lloj i të ushqyerit është i pavetëdijshëm, i pavullnetshëm. Shprehia fitohet që kur ishim në barkun e nënës. Me rritjen tonë është dashur të mos përdorim më këtë aspekt të ushqyerit. Çka mendoni ju, a e përdorim këtë mënyrë të ushqimit edhe si të rritur? Sa herë na ka ndodhur të hapim pa vetëdije derën e frigoriferit dhe të marrim ushqim ashtu spontanisht, ta fusim në gojë, pa qenë të vetëdijesuar se nuk i kemi larë duart? Ose të hamë në kohë të caktuar, p.sh çdo ditë në ora 12 edhe pse nuk jemi të uritur?

2. Aspekti shqisor i të ushqyerit
Më vonë me zhvillimin e shqisave, pas lindjes të ushqyerit tonë bazohen në shqisa në bazë të erës, shijes, ngjyrës etj. Sidoqoftë edhe ky lloj i të ushqyerit e dobëson shëndetin e organizmit tonë.

3. Aspekti emocional (sentimental) i të ushqyerit
Shumë njerëz sidomos për hatër hanë bukë. A ju ka ndodhur t'ju bëjnë “sajgi” kur jeni mysafir, t'ju ulin me zor në sofër dhe t'ju thënë të hani. Apo ndoshta dikush i afërt ju lutë t'i bëni shoqëri ngase vetëm nuk i shkon buka! Përveç kësaj edhe darkat romantike me qirinjë të ndezur dhe muzikë i takojnë këtij aspekti të ushqimit. Për 99% të njerëzve në botë këto tre mënyra janë krejt çka dinë për të ushqyerit e tyre. Madje këto shprehi i përcjellin edhe te pasardhësit e vet.

4. Aspekti intelektual i të ushqyerit
Që në fillim të them se është tejet i shtrenjtë dhe bazohet në programet strikte të mjekëve dhe nutricistëve profesionist. Zakonisht është metodë e të ushqyerit të intelektualëve dhe pasanikëve perëndimor. Shumëçka merret si ushqim dietal, edhe pse është e shtrenjtë jep pak sukses. Vetëm pyetni dikë p.sh nga SHBA-të sa për informatë. Pothuajse gjithçka dietale kanë sa i përket ushqimit dhe për çudi janë shumë më të trashë në trupë se popujt tjerë që nuk mund t'i lejojnë vetes një luks të këtillë. Them si dukuri globale, krahasoni perëndimin si popull p.sh me kosovarët!? Cilët janë më të majmë a?
Megjithëkëtë, kjo nuk është pasojë e këshillave të dobëta nutriciste, por ngase 98% të njerëzve në botë nuk kanë mundësi të ushqehen drejtë me këtë mënyrë të t'ushqyerit.

5. Aspekti shoqëror i të ushqyerit
A keni blerë ndonjëherë ushqim me triska? Pyetni prindërit tuaj që kanë jetuar në vende socialiste e komuniste, ata më së miri e dinë se çka do të thotë të ushqyerit shoqëror. Edhe pse njeriu ka mundësi të blej më tepër, nuk i është lejuar për shkak të mungesës së shumë artikujve ushqyes. Pra që të gjithë të kenë mjaftë. Sidoqoftë edhe ky lloj i të ushqyerit, si nëpër mensat tona deri vonë ( e disa studentë thonë se kjo dukuri është edhe sot e kësaj dite), ka të bëjë më tepër me ushqim kuantitativ e jo kualitativ. Pra ngope barkun, dhe me çka e ngop s’është me rëndësi, madje edhe nëse hanë çdo ditë vetëm bukë e grosh! A është e qëlluar kjo, më së miri e dini vet ju?

6. Aspekti ideologjik i të ushqyerit
Sikur së paku për këtë çështje të respektohej ideologjia fetare? Pothuajse fare pak njerëz respektojnë mësimet e pejganberëve si të Muhamedit a.s, Krishtit, Mojsiut, Budës... Edhe vet të gjithë e shohim se asnjëherë nuk hamë më tepër mish dhe ushqim pa kontroll se gjatë muajit të shenjtë të Ramazanit!? Athua cili është qëllimi i agjërimit? Po ashtu fare pak të krishterë ka që ushqehen në bazë të mësimeve të Krishtit. Edhe zen murgjit budistë të sotëm dhe hebrenjtë, të cilët po ashtu sipas shumë shënimeve ushqehen duke mos iu përmbajtur principeve të prijësve të tyre fetar.

7. Aspekti i lirë i të ushqyerit
është ushqim në bazë të vullnetit të lirë por në harmoni me ciklet apo ritmet e universit. Njeriu padyshim se është një kopje në miniaturë e kozmosit, pra një mikrokozmos në vete. Çdo element, vitaminë, proteinë etj i futur në organizëm duhet të jetë në drejtë peshim sipas nevojave të organizmit. Çdo gjë mbi dhe nën normalen është jonormale dhe shkakton dëm më tepër se dobi. Kjo në të vërtet është mënyra se si janë ushqyer stërgjyshërit tanë në harmoni me stinët e vitit dhe nevojat personale të tyre. Këtë liri të ushqyerit duhet kuptuar si aftësi për t'iu përshtatur rrethit jetësor. Me vullnetin tonë të lirë e zgjedhim dhe e kombinojmë ushqimin, dhe nëse këtë e kuptojmë drejtë, atëherë gjithnjë më afër jemi te koncepti makrobiotik i të ushqyerit, e cila jo vetëm se është në harmoni dhe përshtatet me natyrën por edhe plotëson mangësitë e aspekteve të më parë përmendura të t'ushqyerit. Me këtë metabolizmi i organizmit tonë dhe psikika jonë janë në harmoni.

Disa përparësi të ushqyerit makrobiotik

-Ushqimi makrobiotik është ushqim i shëndetshëm
-Është shumë efikas
-Është relativisht i lirë
-Produktet mjekuese makrobiotike nuk shkaktojnë efekte anësore të padëshirueshme
-Prodhimet e tilla nuk rrezikojnë ambientin e njeriut
-Përgatiten dhe përdoren lehtë dhe thjeshtë
-Nuk kërkohet ndihmë shtesë e personelit mjekësor
-E sjellin mjekësinë në kuadër të çdo familjes dhe parandalojnë çrregullimet e organizmit

Lexoni më tepër edhe për: Disa produkte makrobiotike që mund t'i gjejmë në kuzhinat tona