Veprimi tejet i dëmshëm i rrezeve të diellit është prej orës 11 - 17, mirëpo pasi që shpesh është e pamundshme t'i shmangemi të gjithë asaj në këtë kohë, preferohet që çdo ditë të përdoren krem për mbrojtje të plotë...

Edhe në ujë lëkura është e rrezikuar nga djegia!

Është e panevojshme të thuhet se sa është nxehtë këto ditë! Nga fakulteti i Mjekësisë në Prishtinë, mjekët na këshillojnë që t'i shmangemi ekspozimit në diell gjatë pjesës më të nxehtë të ditës. Gjithkund flitet se mbështjellësi i Ozonit është dëmtuar dhe se roli i saj mbrojtës është gjithnjë më i dobët në disa pjesë të planetit tonë. Nxehtësia është rritur edhe për shkak të grumbullimit të dyoksidit të karbonit (CO2) në atmosferë, gjë e cila shkakton efektin e serrave, nëpër të cilat kultivohen perimet dhe bimët tjera gjatë dimrit. Prandaj dhe vjen deri te rrezatimi apo izolimi i rrezeve të diellit në vende të ndryshme. Dielli emeton një spektër të gjerë të rrezeve. Në veçanti të dëmshme janë rrezet ultraviolete (UVA, UVB dhe UVC) të cilat mund të jenë edhe kancerogjene. Natyrisht se ka edhe anë pozitive te rrezet e diellit. Përveç tjerave ne këtu do të merremi me ndikimin e rrezeve të diellit në lëkurë. Ana pozitive e rrezeve të Diellit në lëkurë është se provitamina D që ndodhet në lëkurë, nën ndikimin e rrezeve të diellit shndërrohet në vitaminën D e cila është e patjetërsueshme për rritje dhe mungesa e të cilës shkakton rakitin. Megjithëkëtë, duhet të jemi të kujdesshëm gjatë rrezitjes. Diellzimi është në veçanti i rrezikshëm për fëmijët ngase ata kanë lëkurë më të hollë dhe me më pak pigmente. Posaçërisht të rrezikuar janë fëmijët me lëkurë dhe flokë të ndritshme. Edhe kur është kohë me re, rrezet ultraviolete depërtojnë përtej reve dhe mund t'ju djegin pa e diktuar ju fare. Edhe në ujë jeni të rrezikuar. Është interesant se rrezet e diellit reflektohen nga sipërfaqja e ujit, borës, xhamit dhe me këtë e zmadhojnë efektin e vet. Pa marrë parasysh gjendjen tuaj të lëkurës se a është e re apo e vjetër, sado e shëndosh që është, mbrojtja e saj si organ më i madh trupor është shumë me rëndësi.

Kujdes prej orës 11 deri në orën 17 h

Veprimi tejet i dëmshëm i rrezeve të diellit është prej orës 11 - 17, mirëpo pasi që shpesh është e pamundshme t'i shmangemi të gjithë asaj në këtë kohë, preferohet që çdo ditë të përdoren kremi për mbrojtje të plotë sidomos ato me UVA faktor që mbrojnë nga rrezet UVA dhe UBA rreze këto që thamë se shkaktojnë digjet, kancerin dhe plakjen e lëkurës në përgjithësi. Nëse ndodheni në det apo gjetiu dhe në vend që për 15 minuta të skuqeni, kremi me faktorin mbrojtës 20 do t'ju mundësoj të qëndroni 5 orë të tëra vende me diell. Mund të përdorni edhe kremi të rezistueshme në ujë të cilat do ta mbrojnë lëkurën tuaj për 1 orë sa jeni në ujë, dhe posa të dilni nga uji sërish nevojitet të lyheni me kremin mbrojtës.

Hani shumë pemë dhe mos e pritni etjen

Pasi që verës ajri është i nxehtë, ajo së bashku me rrezet e diellit e merr ujin rezervë nga lëkura. Prandaj lëkura gjithnjë është e etshme për lëngje, ngase dehidrohet, tkurret dhe shkakton ndjenjë të pakëndshme madje edhe dhimbje a djegie. Keni parasysh këtë dhe konsumoni mjaftë lëngje duke filluar që nga mëngjesi, në barkun esëll të merrni një gotë ujë apo lëng dhe deri në mbrëmje më së paku edhe deri në dy litra ujë a lëngje. Përdorni edhe kremi hidrant e në veçanti ato që kanë mjaftë aloa vera gjë që do t'i ndihmojnë lëkurës tuaj ta kthejë freskinë e saj dhe të rihidrohet.
Madje edhe alergjia në diell mund t'ju ndodh! Ajo lehtë njihet prej puqërzave të kuqe nëpër trupë, në veçanti qafë, e sidomos te fëmijët. Ndjenja që krijohet gjatë alergjisë është: djegia e pakëndshme në lëkurë, rreth qafës, duarve, kofshëve apo pjesëve të eksponuar në diell. Kësaj mund t'i shmangeni edhe nëse vazhdoni të qëndroni në diell, duke konsumuar ushqim të shëndetshëm, shumë pemë dhe perime që përmbajnë mjaft vitamine dhe kohë pas kohe është mirë të merrni edhe kalcium tableta me ujë.
Pra mos harroni, rrezituni po assesi mes orëve 11 - 17 ngase atëherë dielli është më i fortë. Gjithsesi përdorni kremi dhe losione për mbrojtje nga rrezet e diellit, përdorni kapela dhe robe të gjera dhe pini sa më shumë lëngje pa u etur, ngase shpesh etja është shenjë se jeni vonuar.