Për raste të veçanta

Me ditë të tëra keni ëndërruar dhe planifikuar që ta kaloni mbrëmjen vetëm ti dhe ai. Për të gjitha jeni përkujdesur. Aty janë lulet, shampanja, muzika romantike, ledhatimet, puthjet. Është 14 shkurti - ditë e të dashuruarve. Dhe natyrisht, së paku këtë ditë nuk dëshironi që ti kurseni puthjet tuaja. Ndiheni të qetë, të përgatitur. Jeni brengosur edhe për pamjen tuaj në rrobe më intime? Apo ndoshta tashmë jeni përkujdesur për gjithçka. Nëse është kështu, atëherë urime, vërtet keni arsye pse ta mbani buzëqeshjen vesh më vesh.

E vetmja pjesë e veshjes të cilës nuk i pengon kurrfarë ndryshimi i motit ose ndryshimi i madh i temperaturës janë ndërresat e brendshme. Në dimër nuk janë nga leshi, somoti apo nga plishi (megjithëse, as kjo nuk është e përjashtuar në disa modele). Pra ato janë të njëjta sikur në stinën e verës ashtu edhe në atë të dimrit. Krejt varet nga shija e juaj. Nga stili i juaj i veshjes varet edhe stili i ndërresave t'uaja. Disa thonë që ndërresat e brendshme e tregojnë "unin" tuaj të brendshëm. Tregojnë se kush jeni ju në të vërtetë. Sa i përket zgjedhjes së ndërresave të brendshme, rekomandimi ynë do t'ishte: dëgjoni zërin e "unit tuaj" të brendshëm, dhe do të bëni zgjedhje të qëlluar. Ja disa ide se si do të dukeni dhe çfarë përshtypje do të leni me ndërresat tuaja të brendshme.

1. Ndërresat e brendshme Romantike
Janë me ngjyra të shkëlqyera, me detaje dhe motive të lehta, romboide të vogla, ndërsa materiali është i tejdukshëm dhe i lehtë. Problemi i vogël është se pambuk nuk përmbajnë fare, ashtu që mund të vije deri te ndonjë alergji. Ndërresat romantike kurrë nuk dalin nga moda, ashtu që këto modele u përshtaten pothuajse çdo rasti, përveç se nëse i keni të veshura rrobet e bardha.

2. Ndërresat Fanki
Këto modele më shume duken si maice dhe brushallter të cilat veshën për tu parë dhe jo për t'u fshehur nën rrobe. Janë interesant ngase janë të "nënshkruara" nga kreatorët e modës të cilët mendojnë që modelet e tyre do të eksponohen gjihmonë. Stili Funky është i rezervuar për vajza të reja të gatshme për argëtim. Janë të pambukut, në stilin dendi, të butë dhe sportivë.

3. Ndërresat Vamp
Vetë emërtimi i këtyre modeleve na tregon se me siguri është fjala për ndërresat të cilat i ka veshur Michael Phifer gjatë xhirimit të filmit BETMAN në rolin e saj grua-macë. Janë modele mjaft provokative, me ndonjë "animal print", pjesët e poshtme janë gjithmonë të modeleve tanga, ngjyrat janë më të errëta, materiali është saten në kombinim me dantelë. Modelet janë të rezervuara për femra të "gjalla" dhe guximtare, ato që dëshirojnë të tronditin.

Në përgjithësi, te ne janë ende moderne këto lloje të ndërresave, edhe pse shiten edhe ato sportive e romantike. Vlen që të provohet diçka e re, sepse ndryshimi do t'ju bëj mirë, edhe pse kjo pjese e veshjes nuk dallohet. Për këtë do të dini vetëm ju dhe ai.

{page-views} - vizita gjithsej në këtë faqe