Palltot me jaka të zgjatura ka propozuar "French Connection". Caku i tyre janë grupet e personave më të rinj që janë të gatshëm për rrezik...

Një nga investimet më të mëdha të sezonit vjeshtë/dimër është padyshim Palltoja. Është fat që palltoja nuk blihet çdo vjet ngase stili nuk ndryshon në masë të madhe. Palltoja është e përcaktuar të vishet disa sezoni, prandaj gjithmonë para blerjes së juaj mendoni mirë se me çka do ta vishni, a është në trend dhe se a do të jetë në trend edhe vitin tjetër. Modelet klasike gjithmonë janë IN, dhe nëse e keni një atëherë mund të eksperimentoni dhe të blini një që i takon dimrit 2001/2002. Palltot që na propozojnë shtëpitë e mëdha botërore të modës këtë sezon janë:

Shtëpitë e modës "Beneton" dhe "Luis Viton", propozojnë modelet femërore të palltove. Janë me gjatësi deri në gjunjë, e cekin belin dhe kukat dhe i përshtaten pothuajse çdo femre. Modelet na përkujtojnë vitet e 40-a dhe 50-a. Janë zakonisht të ngjyerave të kthjellëta dhe të ndezta, siç është e kuqe , e bardhë etj. Kontrasti në vend të parë.

Shtëpitë e modës "CHLOE" dhe "Miss sixty" ju propozojnë palltot e stofit në kombinim me lesh të kafshëve, antilopë ose me plish. Palltot janë të modeleve klasike, ngjyrë hiri apo të kaftë. Vlejnë të përmenden palltot me ngjyrë çokollatë me lesh të ngjyrës së çeltë rreth qafës.

Palltot me jaka të zgjatura ka propozuar "French Connection". Caku i tyre janë grupet e personave më të rinj që janë të gatshëm për rrezik. Modelet janë paksa të çuditshme, ndoshta edhe qesharake, e zgjasin figurën dhe nuk janë aq praktikë. Është e qartë se do të jene në modë vetëm këtë sezon, por ajo nuk d.m.th që duhet t'ju shmangemi.

Sidoqoftë, nuk do të gaboni nëse vendosni për pallton klasike te zezë, të gjatë e me rrip. Palltot e zezë do të jenë çdo here në modë, si dhe ai i kashmirit edhe pse janë lënë pakë pas dore në shitoret tona sezoneve të fundit. Pelerinat janë ende OUT, ashtu që ju propozojmë që gjithqysh t'ju shmangeni këtë sezon. Nuk është ide e keqe edhe nëse keni vendosur për blerjen e një materiali të mirë, të importuar. E vetmja gjë që ngel është që ta gjeni një rrobaqepës të mirë. Blerja e palltos kërkon më shume se gjysmë ore, ashtu qe mos u ngutni, shikoni disa ditë, provoni sa më shumë modele dhe do të shihni që në fund do të gjeni atë që më së miri ju përshtatet. Më mirë është që të keni një pallto por me vlerë se sa disa por asnjë që ju përshtatet si duhet.

{page-views} - vizita gjithsej në këtë faqe