Vendosja e kravatës është një nga detyrat që tmerron shumë meshkuj. Nëse i përcillni me kujdes udhëzimet e dhëna në këtë faqe të Mjellmës, udhëzime këto që janë mjaftë të thjeshta, do të mësoheni që brenda ditës ta lidhni kravatën tuaj. Por nuk është krejt te lidhja e kravatës apo? Çfarë do të jetë ngjyra, si do ta kombinoni me rrobet tuaja...

Përziej dhe përshtat

Hapi i parë është që të siguroni kravatën që i përshtatet këmishës tuaj. Mirëpo, më parë ju duhet të dini se cila ngjyrë e kravatës i përshtatet ngjyrës së këmishës tuaj.
Kravata solide i përshtatet këmishës "busy" (serioze), dhe këmishët me modele. Në anën tjetër, nëse doni ta vendosni kravatën "funky" (melankolike) në punë atëherë kombinojeni atë me ndonjë këmishë solide. Vetëm mbani në mend që nuk duhen të përzihen kravatat me modele (yrneke), me këmishët që po ashtu janë me modele (yrneke) dhe anasjelltas. P.sh, kravata vija-vija me këmishën me katrorë ju bënë të dukeni si palaço!

E gjitha që ju nevojitet është koha

Mos ia leni vetës më pak se 5-10 minuta për lidhjen e kravatës. Jepni vetës kohë të mjaftueshme në mëngjes për ta lidhur kravatën siç duhet dhe nëse nuk duket në rregull, duhet t'i kushtoni edhe pak kohë që ta korrigjoni.
Për lidhjen e kravatës ju duhet ndihma e pasqyrës. Para pasqyrës do ta matni gjatësinë e kravatës dhe do të bëni kombinimet këmishë-kravatë. Nëse keni arritur që ta gjeni kombinimin e mirë, ja në vazhdim se si mund ta lidhni kravatën në gjashtë hapa:

Lidheni kravatën tuaj në 6 hapa

Hapi 1

Përthekoni këmishën tuaj deri në pullën e fundit të jakës. Ngreheni jakën e këmishës dhe vendosni kravatën rreth qafës. Duhet që pjesa më e gjerë e kravatës të varët dy here më ulët se pjesa e hollë, dhe duhet të varët në dorën tuaj dominante - varësisht se a jeni majtak apo djathtak.

Hapi 2

Merreni fundin e pjesës se gjerë të kravatës dhe mbështjelle rreth pjesës së hollë, pak me poshtë qafës. Mendojeni pjesën e gjerë si pjesën më të gjatë - ashtu qe fundi më i gjatë shkon rreth fundit më të shkurtë.



Hapi 3

Pasi që e keni mbështjellë pjesën e gjerë rreth pjesës së hollë, rrëshqitni fundin e gjerë nëpër fjongon që është formuar.



Hapi 4

Futeni fundin e gjatë dhe të gjerë te kravatës në fjongo.



Hapi 5

Tërhiqeni fundin e pjesës së hollë dhe të gjerë nga poshtë për ta forcuar fjongon.




Hapi 6

Mbajeni fundin e pjesës së hollë me dorën e juaj jo dominante dhe me dorën e juaj dominante shtyjeni fjongon deri në qafë - keni kujdes që mos të ia merrni vetës frymën gjatë këtij procesi.




Gjatësia e shkëlqyeshme

Pjesa e gjerë e kravatës duhet të jetë më e gjatë se fundi i pjesës së hollë duke e mbuluar pjesën e hollë të kravatës. Ju nuk dëshironi që fundi i pjesës së gjerë të jetë shumë i shkurtë - gjatësia normale është kur maja e fundit të kravatës prek pjesën e sipërme të rripit (ose të pantallonave nëse keni tregerat). Edhe pse kjo është gjatësia tradicionale, ajo ndryshon nga vendi në vend. Në fund lëshojeni jakën e këmishës, dhe përdoreni pasqyrën për ta kontrolluar se a janë kravata dhe fjongo në rregull.

Zhveshja e kravatës

Gjatë heqjes së kravatës mos e nxjerr fundin e pjesës së hollë jashtë fjongos për ta çlidhur kravatën. Hiqni kravatën duke i bërë këto hapa së prapthi. Edhe nëse nguteni për tu zhveshur sepse keni shoqëri, kushtoni kujdes sepse mund ta shkatërroni formën e kravatës.

{page-views} - vizita gjithsej në këtë faqe