Shumë njerëz mendojnë se formulat e suksesit janë shumë të ndërlikuara dhe për t'i kuptuar ato duhet pasur përvojë shumë të madhe. Natyrisht se përvoja është e mirëseardhur sidomos ajo profesionale e në të njëjtën kohë edhe njohuria. Mirëpo jemi të gjithë dëshmitarë që ka mjaftë njerëz që nuk kanë kushedi se çfarë njohuri apo përvojë dhe arin deri te suksesi!


Arsyetimi ynë për suksesin e njerëzve që nuk kanë pasur ndonjë njohuri apo përvojë të veçantë me siguri është:"Kanë pasur fat!". Athua vërtet qëndron ky arsyetim? Pajtohem se edhe fati jetësor shpesh është vendimtar në sukses apo dështim, mirëpo në anën tjetër sikurse shumë njerëz, në vend që të jetojnë në vet-ankim, po t'i respektonin principet e thjeshta të suksesit dhe po t'i ushtronin ato derisa të bëhen shprehi, do të arrinin shumë më tepër apo do të mbeteshin më të kënaqur me veten.

Çdonjëri kënaqet në atë që ta kryen atë lloj pune që i përshtatet më së shumti. Artisti donë të punojë me ngjyra, artizanati me duart e veta, ndërsa shkrimtari donë të shkruajë. Ata me talent më pak të zhvilluar i preferojnë lëmit e caktuara të biznesit ose industrisë.

Shtatë hapa të thjeshta që do t'ju bëjnë të keni fat në gjetjen e vendit të punës që e doni...

• E para: Saktësisht vendosni se cilën punë e dëshironi. Nëse ajo punë ende nuk ekziston, ndoshta ju mund ta krijoni.
• E dyta: Zgjidheni kompaninë ose individin për të cilin dëshironi të punoni.
• E treta: Studiojeni punëdhënësin tuaj latent, politikën e tij, ekipin e tij si dhe gjasat tuaja për përparim.
• E katërta: Duke e analizuar veten, pastaj talentet dhe aftësitë tuaja, konstatoni se çka mund të ofroni dhe planifikoni mënyrat dhe mjetet për ofrimin e ndihmës, shërbimeve dhe ideve për të cilat ju besoni se mund t'i realizoni me sukses.
• E pesta: Harroni në "vendin e punës". Harroni në rutinën e zakontë të pyetjes "a keni ndonjë punë për mua?" Koncentrohuni në atë se çka mundeni ju të jepni.
• E gjashta: Kur njëherë ta mendoni planin, nëse nuk mundeni ta përgatitni vet, bisedoni me ndonjë shkrues me përvojë që ta vendosë në letër atë plan në formë të rregullt dhe me të gjitha detajet e nevojshme.
• E shtata: Precizoni planin tuaj personit te i autorizuari përkatës dhe ai do t'i kryejë të tjerat. Çdo kompani i kërkon njerëzit të cilët mund të japin diçka më shumë se vlerat që i kanë, qofshin ato ide, shërbime ose "lidhje". Në çdo kompani ka vend për njeriun me plan të definuar të veprimit i cili do të jetë i dobishëm për kompaninë.
Kjo procedurë mund t'i kërkojë disa ditë ose javë të kohës shtesë, mirëpo dallimi në të ardhura, në përparim dhe në marrjen e mirënjohjeve do të kursejë vite të punës së mundimshme bashkë me rrogën e ulët. Kjo procedurë i ka edhe përparësitë tjera, prej të cilave kryesorja është se shpesh do t'ju kursejë prej një deri në pesë vjet pune të nevojshme që të arrini deri te caku i zgjedhur.
Çdo person i cili niset ose mbërrin në gjysmë të rrugës në shkallën shoqërore, e mbërrin këtë me planifikimin e vetëdijshëm dhe të kujdesshëm.

{page-views} - vizita gjithsej në këtë faqe