Disa shenja tjera trupore (gjuha trupore)

• Personi ka për të bërë shumë pak kontakt me sy, apo dhe ky kontakt mungon fare. Personi që ju gënjen do të bëjë çmos ti shmanget kontaktit sy më sy.

• Shprehjet fizike do të jenë të kufizuara në disa lëvizje të krahëve dhe duarve. Lëvizjet e duarve dhe krahëve në atë çast janë të shtangët (të tendosur) dhe mekanike. Duart, krahët dhe këmbët të tërhequr drejt trupit; personi zë më pak vend.

• Duart e tij/saj mund të shkojnë lartë deri te fytyra apo fyti, e në veçanti deri te goja. Por kontakti me trupin e tij është i kufizuar në ato zona. Ai po ashtu e ka të pashmangshme prekjen e kraharorit me gjestin - dorë të hapur. Ai po ashtu mund ta prek hundën ose të kruhet prapa veshit.

• Nëse ai /ajo përpiqet të duket i rastësishëm (spontan) dhe i relaksuar në lidhje me përgjigjen e tij/saj, pak mund ti mbledhë (ngritë) supet.

Gjendjet emocionale: Konsistenca (pajtueshmëria) dhe kontradiktat (mospërputhshmëritë)

• Ritmi kohor (tajmingu) mes fjalëve dhe gjesteve nuk është në koordinim. Nëse shprehja e fytyrës vjen pas deklarimit gojor (“Tash jam shumë i hidhëruar me ty”… pushim … dhe pastaj pason shprehja e hidhërimit), kjo duket fals.

• Koka lëvizë në mënyrë mekanike pa vëmendje (kujdes) në theks (shprehje), duke dhënë shenjë të lëvizjes së qëllimshme.

• Gjestet nuk përputhen me porosinë verbale (gojore), sikurse të ngrysësh vetullat kur thua “Të dua.” Duart fortë shtypen (ndrydhen) dhe gjendja e kënaqësisë nuk është në akordancë njëra me tjetrën.

• Ritmi kohor (tajmingu) dhe kohëzgjatja e gjesteve emocionale nuk do të duket në harmoni. Emocioni vonon në shfaqje, qëndron më gjatë se që duhet, dhe tretet befas (vrazhdë).

• Atëherë kur personi trillon (imagjinon) emocione të caktuara, lumturinë, befasinë, tmerrin, etj., shprehjet do të limitohen më tepër në zonën e gojës se sa në tërë fytyrën.

• Ndërveprimet Interpersonale (ndërpersonale) – Kur na akuzojnë pa faj, vetëm personi fajtor bëhet defanziv (mbrojtës). Dikush që është i pafajshëm zakonisht kalon në qëndrim ofanziv (sulmues)

• Nuk është i gatshëm (i vullnetshëm) të përballet me akuzuesin dhe mund ta kthej kokën ose të zhvendos kokën anash.

• Personi që gënjen me gjasë do të kërruset (rri shtrembër); ai vështirë se do të qëndroj drejtë me krahë hapur apo të shtrirë.

• Ka lëvizje tutje nga akuzuesi i tij, me gjasë në drejtim të daljes.

• Do të ketë pak apo aspak kontakt fizik gjatë përpjekjes së tij për të ju bindur juve.

• Nuk do ta drejtoj gishtin në personin që përpiqet ta bind.

• Mund të vendos objekte fizike (jastëk, gota etj) mes vetes dhe akuzuesit të vet për të formuar barrierë (pengesë), të përcjellë me ekuivalentin verbal në formën: “Nuk dua të flas për këtë,” duke dëftuar mashtrim apo qëllim për të fshehur.

Çka u tha: Përmbajtja aktuale verbale (gojore)

• Ai do ti përdorë fjalët tuaja për ta arritur objektivin e vet. Kur e pyetni, “ A më ke mashtruar?” Gënjeshtari përgjigjet, “Jo, unë nuk të kam mashtruar.” Si shtesë për këtë, kur i dyshuari përdor formën e shkurtër gramatikore – “Unë s’isha ai” në vend të “Ai nuk isha unë” –në aspektin statistikor, gjasat janë 60 % se ai nuk gënjen.

•Ai mund të kundërshtoj, duke lënë mbresë se mendjen e ka të shpikur. Zakonisht, kjo është përpjekje për ta kufizuar mospranimet (sfidat) tuaja me pozitën e tij. Nëse dikush thotë mu në fytyrë se nuk lëkundet nga pozicioni për së mbari, kjo nënkupton një gjë: Ai e di që mund të lëkundet. Ai ka nevojë t’ju thotë këtë ashtu që ju të mos e pyetni më, ngase e di mund të shembet. Një person që ka vetëbesim (konfident) do të përdor frazat e llojit “Më vjen keq, por kjo është pothuaj e tëra që ne mund të bëjmë”

Gabimi i vjetër Frojdian

• Ai e depersonifikon përgjigjen e vet duke ofruar bindjen e vet lidhur me çështjen, në vend që të përgjigjet drejtpërdrejtë. Gënjeshtari ofron zotim (bindje) abstrakte si dëshmi për pafajësinë e vet në raste (instancë) specifike. Shembull: “A më ke mashtruar ndonjëherë?”dhe dëgjon përgjigjen, “T’i e din se unë jam kundër gjërave të tilla. Unë mendoj se një gjë e tillë është e pamoralshme.”

• Do të vazhdoj të shtoj më tepër informata përderisa të mos bindet se ua ka shitur tregimin e vet. Fajtorët nuk përshtaten me heshtjen. Ai flet për ta mbushur zbrazëtinë.

• Ai mund të lë të kuptohet përgjigjja por kurrë nuk do ta thotë troç.

Si mundeni që pa u ashpërsuar dhe pa fjalosje ta ndalni sjelljen gënjeshtare të partnerit

Këtë duhet ta bëni që në fillim të takimit me partnerin. Nëse tashmë ju ka gënjyer një kohë, e ka të vështirë t’i mohoj dëshmitë e veta të më parme.

- Tregoni mirëkuptim, vullnet të mirë dhe qëllime të mira që nga dita e parë.
- Ndaj ndjenjave të partnerit, silluni sikur të ishin ndjenjat tuaja.
- Krijoni atmosferë me zero tolerancë dhe vazhdimisht tregoni se nuk doni që partneri t’ju paraqitet si dikush që nuk është, edhe nëse qëllimi i tij apo i saj është qëllim mirë

Për më tepër, mund të lexoni në librin: “Si ta nxjerrim të vërtetën nga partneri dhe njerëzit tjerë” të cilin libër mund ta bleni në librari me çmimin 3.5 euro.

{page-views} - vizita gjithsej në këtë faqe