Mjafton vetëm disa femra t’i buzëqeshin një mashkulli në një vend publik, që të bëjë që një tjetër femër ta konsideroj atë shumë më të dëshirueshme për veten e saj.
Psikologu britanik Benedikt Gjons nga universiteti Arberdeen në Skotland, ka zbuluar se, femra gjatë procesit të vlerësimit të një mashkulli që do ta bëjë për vete, merr parasysh aluzionet dhe shenjat nga femrat tjera rreth saj. Sa më shumë femra që ajo sheh se i qeshen atij mashkulli, më me gjasë është që ajo ta konsideroj atë mashkull si partner të saj të mirë.

Sipas ekspertëve refleksi “CC”, i kopjimit, ( Carbon Copy, apo Copy Cat) është rezultat i presioneve darviniane. Ky refleks ka të bëjë me sjelljen e dikujt në përpjekje për t’i kopjuar gjestet apo fjalët e dikujt tjetër. Nëse femra takohet me shumë meshkuj potencial për t’u bërë partnerë të saj, mirëpo ka vështirësi në përzgjedhjen e më të mirit, dhe nëse vlerësimi kërkon shumë kohe dhe energji, atëherë ajo ndihmohet duke u orientuar nga sjelljet e femrave rivale me atë mashkull.

Ekipi i hulumtuesve që i publikoi rezultatet në “British journal, rekrutoi 28 femra vullnetare të moshës mesatare rreth 24 vjeç. Vullnetaret shikuan fotografitë e katër meshkujve të rinj që shikonin drejt në fotoaparat dhe kishin shprehje natyrale të fytyrës. Meshkujt tregoheshin në çifte dhe nga femrat kërkohej ta zgjedhin mashkullin më atraktiv, dhe të ia vendosnin një notë në shkallën me tetë nota.

Të njëjtat fytyra pastaj iu treguan individualisht femrave vullnetare, mirëpo secila fytyrë e mashkullit kishte anash një fytyrë të femrës në profil. Femra në profil ose dukej duke shikuar natyrshëm te mashkulli ose i buzëqeshte atij.
Vullnetaret pastaj shikuan sërish meshkujt në çifte, dhe u kërkua nga ato të bëjnë një tjetër vlerësim me shkallë për atë se sa atraktiv është secili mashkull.

Meshkujt që në fotot paraprake kishin femrat që shikonin natyrshëm në të, shumë nga vullnetaret i rivlerësuan me nota më të ultë për 10 % në mesatare, përderisa ata meshkuj të fotografive paraprake që anash në fotografi kishin femrën që u buzëqeshte, vullnetaret i rivlerësuan duke ua ngritur notën mesatarisht për 15%. Pra 15% më atraktiv, janë paraqitur ata, me fytyrë dhe shprehje të njëjtë, por vetëm ngase kanë pasur anash nga një femër që i shikon dhe u buzëqesh.

Vlerësimi i meshkujve ka qenë i kundërt. 28 meshkuj të rinj morën pjesë në eksperimentin e njëjtë, dhe notimi se sa u pëlqejnë fytyrat e meshkujve nga fotografitë varej nëse femra anash i qeshej atij apo qëndronte normal ndaj tij. Nëse ajo i qeshej nga anash, këta meshkuj nga fotografia merrnin nota më të dobëta në vlerësim nga meshkujt vullnetar të eksperimentit, ndërsa nëse femra në foto qëndronte normal duke e shikuar fytyrën e mashkullit në foto, meshkujt vullnetar i vlerësonin me nota më të mira ata.

{page-views} - vizita gjithsej në këtë faqe