Çdo mëngjes kur zgjoheni, para se t’i çelni sytë, shtrihuni si macja. Shtrijeni çdo muskul të trupit tuaj. Pas tre apo katër minutash, me sytë ende të mbyllur, filloni të qeshni. Pesë minuta thjesht qeshni. Në fillim këtë ju e bëni vetë, por së shpejti kjo ka për të shkaktuar qeshje të sinqertë, spontane. Humbeni veten në të qeshur. Mund të kalojnë disa ditë para se kjo vërtet të ndodhë, jemi aq të pamësuar me një gaz të këtillë. Por kjo së shpejti do të bëhet spontane dhe do ta ndryshojë natyrën e gjithmbarshme të ditës suaj.
Për ata që e kanë të vështirë të qeshin me zemër apo për ata që ndiejnë se gazi i tyre është i rrejshëm, ja një teknikë të thjeshtë:

Herët në mëngjes, para se të hani çfarëdo qoftë, pini gati një gotë të madhe me ujë – të vakët dhe pakëz të njelmët.
E para çfarë duhet bërë është qeshja, pasi që kjo i jep ton tërë ditës. Po u zgjuat me qeshjen, së shpejti do të filloni të ndieni sesi jeta është absurde.
Asgjë nuk është serioze: qesharake janë madje edhe pakënaqësitë tuaja, qesharake është dhembja juaj, paj edhe ju vetë jeni qesharakë!

Pini, dhe pini shpejt, përndryshe nuk do të jeni në gjendje të pini shumë. Pastaj thjesht përkuluni dhe gargarisni ashtu që uji t’ju rrjedh buzëve. Kjo do të ishte “të kthyerit” e ujit – gjë që do t’jua pastrojë hyrjen. Asgjë tjetër nuk nevojitet. Ekziston pengesa në hyrje, e cila kurdo që dëshironi të qeshni, e ndalon qeshjen.

Në jogë ky është veprim të cilit gjithsesi duhet t’i përmbaheni. Joginët e quajnë “pastrimi i domosdoshëm”. Ky pastron fuqishëm dhe e bën hyrjen tepër të pastër – të gjitha pengesat zhduken. Do të kënaqeni në këtë dhe do ta ndjeni pastërtinë gjithë ditën. Qeshja, lotët, e madje edhe të folurit tuaj do të vjen nga vetë qendra më e thellë.
Bëjeni këtë dhjetë ditë dhe do të qeshni spontanisht e nga zemra.

Osho, nga “Libri i portokalltë”