Kaloi gati çerek shekulli prej se u paraqitën rrathët e parë sekret në fushat gurore në Kanadë. Lidhja me këtë shkencëtarët vetëm i rrudhin supet. Në fillim ishin vetëm rrathë të grurit të shtrirë, por më vonë filluan format të bëhen gjithnjë e më të ndërlikuar. Të gjitha paraqiteshin natën, pa zë deri sa fshatarët në mëngjes, në mes të fushës me grurë të pjekur zbulonin pamje të çuditshme. Gruri ishte i lakuar, i kthyer dhe i shtrirë për toke. Filluan të paraqiteshin rrathë të thjeshtë, por me kohë filluan të ndërlikohen gjithmonë e më shumë. U bënë rrathë të dyfishtë, e pastaj filluan të iu shtoheshin trekëndësha, katërkëndësha etj duke u bërë pamje të ndryshme që shiheshin shumë qartë nga ajri. Kush do që i bënte apo çka do që i bënte këto vizatime, si kalonte koha, përdorte simbolikë më të ndërlikuar. Tani shkenca këtë fenomen e njeh me emrin me termin PIKTOGRAM...


Rrathët ruajnë fshehtësinë

Përbrenda çdo sipërfaqeje rrethore të përkryer, gruri ishte vetëm i palosur e jo edhe i thyer. Kallinjtë ishin të palosura në formë spirale herë në drejtim të akrepave të orës e herë në anën e kundërt.. Duke i shikuar nga ajri do të mahniteshim me pamjet madhështore dhe shumë të ndërlikuara. Nëse rrethi është paraqitur në fillim të sezonit, pra sa është gruri i verdhë atëherë kallinjtë prapë janë drejtuar dhe kanë vazhduar të rriten, kështu që rrethi shpejt ka humbur duke lënë vetëm një prerje në vegjetacion.
Kohët e fundit ky fenomen më së shpeshti paraqitet në Britani të Madhe edhe pse Piktogramet nuk janë të huaja as në vende të tjera si Australi, Amerikë, Kanadë Çeki, Gjermani etj.
Hulumtuesit nga mbarë bota janë duke u munduar që të zbulojnë se kush apo çka është duke i shkaktuar këto fenomene. Ata i kanë shkruar nga një turrë të librave, por në asnjërën prej tyre nuk ekziston ndonjë shpjegim përfundimtarë, kështu që ky fenomen ende është mister.
Teoritë e komplikuara mbijnë gati si edhe vet vizatimet, e sillen prej vizitës së jashtë taksorëve dhe provat e armëve nga ‘lufta e yjeve’ e deri te ndërzimi i iriqëve, tornadot dhe mashtrimet e thjeshta të demoduara.

Pensionerët e pa përtuar

Kur para disa viteve u paraqitën dy fermerë dhe pranuan se ata ishin ata që i vizatonin këto vizatime u duk se misteri mori fund. Por kur u munduan që para kamerave televizive të tregojnë procesin e punës kjo u duk më pak se modeste. Vizatimi i tyre vetëm në pamje të parë i përngjante atyre të vërtetave, por as për së afërmi nuk ishin të përkryera si ato. Përveç kësaj, në fushat gurore të Anglisë në dy deceniet e fundit kanë lindë me mija vizatime, për çka ishte nevojitur një armatë e vërtetë e penzionerëve të shkathët që i mundon pagjumësia.

Për të vërtetuar, në të vërtetë për të hedhur poshtë teorinë se këto vizatime janë të bëra nga dora e njeriut revista ‘The Guardian’ e Londrës dhe ‘PM Magazin’ gjerman e organizuan një konkurs për vizatimin më të suksesshëm në grurë. Në atë konkurs u lajmëruan 12 ekipe të cilat kishin prej një deri në gjashtë anëtarë. Në një mbrëmje korriku atyre ua dhanë nga një copë parcelë me grurë dhe pesë orë për ta kryer punën. Ata mundnin të përdornin çfarë do mjeti, por i cili nuk bënte zhurmë dhe dritë. Çmimin i parë prej 3000 funteve e fitoi një ekip britanike nga Samerseti.
Edhe pse u fituan disa rrathë bindës, juria kompetente i cilësoi ato si falsifikime pasi që kallinjtë ishin të thyer, deri sa te ato origjinale ato janë vetëm të lakuara. Shikuar më thellë, kualiteti i arritur nuk e mbërrinte përsosmërinë e formës së Piktogrameve të vërtetë.
Në natën e njëjtë në mëngjes në fushat e Anglisë gdhinë tre Piktograme dhe menjëherë lindi pyetja, kush mundi ato ti bëjë kur të gjithë falsifikatorët ishin të tubuar në një vend duke luftuar për shpërblimin joshës. Kështu skeptikët heshtën por me të madhe filluan të flasin ata që e mbështetnin teorinë e jashtëtokësorëve dhe fuqive ezoterikë.

Hieroglifët nga gjithësia

Paraqitja e këtyre rrathëve shpesh përcillej edhe me paraqitjen e objekteve të panjohura fluturuese edhe pse dëshmitë nuk ishin edhe aq bindëse. Ishte kështu ndonjë xhirim nate në të cilin shihej një njollë pezull me ngjyrë të bardhë apo portokalli e cila përcillej me ndonjë shushurimë. Këto xhirime infra të kuqe tregonin se këto njolla humbnin shumë shpejtë, pa ndonjë paraqitje përcjellëse-praktikisht në asgjë.
Analizat laboratorike vërtetuan se fuqia që i bën këta rrathë duhet ti ketë disa veçori të caktuara: që kallinjtë të presohen ashtu duhet nxehtësi intensive, e pastaj edhe një forcë centrifugale e cila i shtypë kallinjtë e grurit për tokë. Brenda këtyre rrathëve shpesh është zbuluar radioaktivitet i tipit alfa dhe beta. Nga ana tjetër disa dëshmitarë tjerë të cilët kanë qenë në afërsi të vendit të ngjarjes dëshmojnë se kanë parë drita në qiell apo edhe kanë dëgjuar fishkëllima, e disa të tjerëve iu ka fikur pa kurrfarë shpjegimi motori i automobilave etj. Ufologët këto i kanë marrë si dëshmi se qeniet inteligjente të kosmosit na i lënë porositë e shkruara me hieroglifët e veta. Një nga këto vizatime sipas interpretimit të Hopi indianëve do të thotë ‘Planeti është në rrezik, njerëzimi duhet të ndërmarrë diçka’. Shkencëtarët në anën tjetër mendojnë ndryshe.