Në fillim, deri sa rrathët ishin të vegjël, u paraqit një shpjegim shkencorë sipas disa kushteve specifike klimatike në këtë pjesë të botës. Kjo teori megjithatë ra shumë shpejtë poshtë me paraqitjen e rrathëve me të mëdhenj dhe forma më të komplikuara. Rrethi më i madh i matur deri më tash ishte 600 metra në gjatësi dhe 200 metra në gjerësi.
Interpretimet më të reja dhe më të besueshme bazohen në teorinë e vetëtimave sferike dhe rrezatimit jonik. Shkencëtari britanik Terens Miden është autor i teorisë ‘plazme vorteks’ sipas të cilës në atmosferë ekzistojnë vorbuj ajror të cilët i shtypin këto vizatime. Kjo teori megjithatë nuk e shpjegon pse kjo ndodh në këto 20 vitet e fundit dhe pse format janë gjithnjë e më të ndërlikuara. Një kombinim interesant i kësaj teorie dhe teorisë së shkencëtarit gjerman Burkhard Hajm flet për atë se mendimi njerëzor në nivel të ndërdijes së thellë e drejton paraqitjen e vetëtimës sferike, e cila do ta shpjegonte paraqitjen ‘nga asgjë’ dhe ndërlikueshmërinë e vizatimit. Por kjo është në nivel të spekulimeve.
Një qift britanik ka qenë dëshmitarë direkt i kësaj paraqitjeje. Sipas dëshmisë së tyre, ata shëtisnin nëpër fushë kur papritur u formua një vorbull ajri mbi kokat e tyre. E dëgjuan një fishkëllimë të fortë, njërit prej tyre iu ngritën flokët në kokë. Kur vorbulli ajror në vijë zigzage humbi përtej fushe, ata u gjendën në mes të një vizatimi të posa formuar në fushën grunore.

Tornadot apo diçka e ngjashme

Në vazhdim më lejoni që tua përcjell edhe disa interpretime të disa shkencëtarëve eminent të Anglisë dhe Amerikës.
Kolin Endrius, elektor inxhinier dhe funksionar shteti thotë se: ‘Kjo është misterie, nuk ka dyshim se ky fenomen është jashtë fizikës dhe shkencës çfarë ne e njohim. Në kohë të fundit po na paraqiten një numër i madh i të dhënave të cilat na bëjnë të ditur për një formë inteligjente – nuk po them inteligjencë jashtëtokësore por ehe nuk po e përjashtoj atë mundësi ’. Si dëshmi për këtë koment të Endriusit janë rrathët të cilët nuk janë kaotik duke e kaluar fundin e fushës, por ata janë shpesh të vendosur vetëm një inç buzë rruge apo kodrine.
Endrius bashkë me Delgadon me të cilin edhe e shkroi një libër në këtë temë, provoi që të hyn në sekretin e këtyre rrathëve me operacionin “Drapri i Zi” i cili përbëhej me vrojtimin e përhershëm të fushës Selizbri ku edhe paraqiteshin më së shpeshti rrathët sekret. Pajisjet ishin kamera me rreze infra të kuqe, kamera me incizim nën dritë të dobët, kamera termike dhe kasetofoni. Pas shumë netëve të vrojtimit deri sa Endrijus ishte duke fjetur erdhi deri te një alarm i cili më vonë u pa se është i rrejshëm. Kamera termike kishte regjistruar se diçka kishte ndodhur në fushë. Të nesërmen në mëngjes e panë se ata ishin disa të rinj shakatarë të cilët kishin ardhur në fushë dhe kishin shkrepur me fotoaparatin e tyre me blic në drejtim të kamerës termike.
Endrijus pas kësaj e ndërpreu operacionin me fjalët se “Vendi ynë u bë shumë i njohur”.
“Endrijus dhe Delgado për mua janë ankth nate”-Terens Mejden, fizikan atmosferik dhe themelues i organizatës për hulumtimin e tornadove dhe stuhive (TORRO) si dhe i grupit për hulumtimin e rrathëve sekret (CERES). “Besimi i tyre në ekzistimin e paranormales, jo vetëm që i tërheq mashtruesit, por edhe e pamundëson bashkëpunimin me shkenctarët botërorë, të cilët edhe nuk është ashtu lehtë me i bindë se hulumtimi i këtyre fenomeneve është diçka serioze”, vazhdon Mejden.
Terens Mejden u mundua që këtë fenomen ta shpjegojë duke dhënë mendimin se Piktogramet i bëjnë tornadot dhe stuhitë dhe në këtë drejtim ai bëri hulumtime të shumta. Por kurrë nuk ja arriti që të marrë pjesë në procesin e vizatimit të Piktogramit nga tornadot. Mos-suksesin e vet Mejden e shpjegon me fjalët: “Kjo është njëjtë sikur kur të doni të incizoni fatkeqësinë e komunikacionit në momentin kur ndodhë”.
Pas 10 vitesh hulumtimi Mejden erdhi në përfundim se sekreti i rrathëve magjik shtrihet në bashkëpunimin e dritës dhe rrymave ajrore të cilat i bën një shtresë e ajrit në koordinatat dhe fushat e rrezikuara. Edhe shumë hulumtues të tjerë i bashkëngjiten teorisë së Mejdenit si Gjeni Rendles dhe Pol Faler nga qendra e hulumtimit të UFO-ve në Britani. Ata i kanë shkruar gjithashtu edhe disa libra në këtë temë. Ja komenti i tyre: “Me të vërtetë rrathët paraqiten afër vendeve të cilat pocentialisht vizitohen nga objektet e pa identifikuara fluturuese. Por, në të vërtetë rrathët janë ato të cilat formojnë iluzione për fluturaket e jo e kundërta pra jashtëtokësorët që i lënë porositë e tyre duke shkarravitur në grurë. Deri tani kemi shumë dëshmitarë të cilët na raportojnë për vorbujt atmosferik-të ngjashëm me tornadot”. Me këto shpjegime natyrisht se nuk u kënaqen personat të cilët i japin përparësi teorisë mbi jashtëtokësorët. Për këtë Gjeni Rendles thotë: “Neve na quajnë thyes të iluzioneve” dhe më tej vazhdon “rregullsia gjeometrike e rrathëve nuk është asgjë më fascinante se forma e ndërlikuar e fjollës së borës, por prapë se prapë njerëzit kanë dëshirë të iu japim zgjidhje sa më fantastike”.
Komentari i profesorit të meteorologjisë në Universitetin Perdju, Gjon Snou pas një seminari që e dëgjoi për Piktogramet ishte: “Ishte argëtuese ti dëgjosh gjithë ata njerëz, shumë diskutime e pak dëshmi shkencore. Shumica e studimeve të këtyre vizatimeve në grurë, përfundojnë me vizitën e vendit ku është paraqitur ai vizatim dhe filozofimi rreth tij”.
Ndërsa Kristofer Çerç, specialist për tornado në Univerzitetin Majami të Oksfordit në Ohajo thotë: “Kam ardhur në konkludim se kjo është shumë bizare. Ata rrathë koncentrik nuk mund të shpjegohen me shkaktarë natyral. Mundeni ti quani si mashtrim por mundeni ti quani edhe vepra artistike”.
Edhe Arçi Roj, anëtarë nderi në institucionin për fizikë dhe astronomi në Universitetin e Glazgovit është përafërsisht i të njëjtit mendim: “Ka 5 vite që jam hulumtues i këtij fenomeni dhe nuk besoj se ekziston ndonjë shpjegim real se çka janë ato dhe çka i shkakton”.
Por për mendimin tim shpjegimin më të mirë e dha shkrimtari dhe njëherit edhe hulumtuesi në lëmin e alkimisë Patrik Harper, me fjalët e të cilit dua që edhe ta përfundoi këtë artikull: “Ato janë si edhe ëndrrat; ti hulumtosh do të thotë ti shtysh që të mashtrojnë; ti interpretosh do të thotë ta errësosh begatinë e tyre; ti shpjegosh do të thotë gabimisht ti kuptosh... Rrathët në grurë janë sikur një gojë e cila na flet për mrekullinë dhe thellësinë e çështjes – i flasin më shumë zemrës se kokës, por më shumë shpirtit se zemrës”!!!