Është kjo pyetje që me shekuj i ka bërë femrat të habiten. Kur mendon mashkulli se femra është e bukur? Shumë nga ne mendojnë se meshkujt shikojnë thjesht vetëm dukjen e jashtme ngase mediumet e ndryshme e serojnë këtë bukuri të tillë të femrës. Na paraqesin femrat me trupë perfekt nëpër ekrane televizive, pano, posterë, sfilata të modës, ku paraqiten modele me veshje të brendshme dhe na bëjnë të mendojmë se janë femra të ëndrrave të secilit mashkull. Por a është në të vërtet kështu. Po të bënit një anketë me meshkujt lidhur me femrën e ëndrrave të tij, do të befasoheshit dhe do të zbulonit se femrat foto modele për nga dukja përshtaten me femrën e ëndrrave të mashkullit sa i përket vijave të trupit, mirëpo sidoqoftë, personaliteti i femrës është ajo që meshkujt konsiderojnë bukuri të vërtetë.

Këtë e kanë treguar edhe disa anketa të fundit të organizuara nga disa institute në botë. Përveç që në shikim të parë, trupi i femrës me vija dhe dukje si të foto modeleve, lë përshtypje të femrës së bukur, meshkujt e anketuar mendojnë se femra me vetëbesim është e bukura e ëndrrave të tyre. Vetitë tjera më të vlerësuara nga meshkujt që femra e ëndrrave të tyre duhet t’i ketë janë edhe, mirësia e saj, kujdesi dhe sinqeriteti, pastaj dhe vullneti i femrës për t’i dëgjuar ata dhe për të marr pjesë aktive në bisedime me të.

Kur jemi te vetitë fizike, rolin kryesor e kanë sytë. Shumë meshkuj kanë rrëfyer se femrat me gjinj të madhësisë mesatare janë shumë më të bukura se ato me gjinj të implantuar. Sa i përket grimit, anketat tregojnë se grimi natyral te femrat i bënë ato shumë më të bukur para syve të tyre se sa shumë grim dhe kozmetikë. Sa i përket modës, veshjet e thjeshta sipas anketave të meshkujve i bëjnë ato më të bukura para syve të tyre, kundrejt veshjeve të spikatura. Është interesante se veshjet e brendshme normale po ashtu sipas meshkujve e bëjnë femrën shumë më të bukur se sa ato të holla, të ngushta dhe erotike që jemi mësuar t’i shohim t’i veshin foto modelet në revista për të rritur.

Prandaj, për meshkujt, femra e bukur është shumë më tepër se sa që sytë mund të shohin. Më me dëshirë meshkujt do ta njoftonin një femër duke e zbuluar gradualisht se ajo është natyrshëm e bukur se sa të gjykojnë nga pamja e jashtme e saj nga anash dhe më në fund të zbulojnë se në të vërtet kanë punë me një femër të shëmtuar në shpirt. Vet procesi i zbulimit të bukurisë së një femre, i bënë ato të bukura para syve të mashkullit.

Sidoqoftë, kjo nuk do të thotë se femra duhet të heq dorë nga dëshira për të pasur trup të bukur. Bukurisë së trupit duhet t’ia shtoj edhe bukurinë e brendshme përmes sjelljes së saj, buzëqeshjes si dhe t’i potencoj karakteristikat e saja unike, sidomos në fytyrë, zërin e saj dhe aromë. Se si duhet t’i potencoj këto një femër, mund të lexoni në artikullin “Bukuria e femrës përmes pasqyrimit dhe shprehjeve të fytyrës”